Piece of old fashion stock ticker tape with pricing and trade quantities. Stock symbols are fake and not listed with the Stock Exchange.

ტექნიკური ანალიზის ისტორია: როგორ დაიწყო ყველაფერი

9 ნახვა

სარჩევი

საფინანსო ბაზრების ტექნიკურ ანალიზს იყენებს აბსოლუტურად ყველა ჭკუათმყოფელი ტრეიდერი, როგორც ინსტიტუციონალური ასევე კერძო.

ტექნიკური ანალიზი არ არის ტრეიდინგის თანამედროვე მეთოდი.

მისი ფესვები 150 წელზე მეტი ხნის წინ იწყება, როცა საფინანსო ბაზრები მხოლოდ ფორმირდებოდა და კოტირებები ქაღალდის ტიკერულ ლენტებზე იბეჭდებოდა.

დასაწყისი: ჩარლზ დოუ – ტექნიკური ანალიზის მამა

ტექნიკური ანალიზის დამაარსებლად ითვლება ჩარლზ დოუ (Charles Dow), ამერიკელი ჟურნალისტი და ეკონომისტი, The Wall Street Journal-ის ერთ-ერთი შემქმნელი და პირველი საბაზრო თეორიის ავტორი.

წლები: დაახლოებით 1880–1900

ჩარლზ დოუ ბაზარს ყოველგვარი ეკრანებისა და სხვა ტექნიკური საშუალებების გარეშე, ფაქტიურად ხელით გაკეთებული ჩანაწერების საფუძველზე აკვირდებოდა:

▶️ როგორ მოძრაობენ ფასები,

▶️ როგორ რეაგირებენ სიახლეებზე,

▶️ როგორ მეორდებიან ციკლები,

▶️ როგორ მოქმედებს ხალხი მსგავსი გზით სხვადასხვა სიტუაციებში.

მან შენიშნა მთავარი:

საფინანსო ბაზარი – არის ცოცხალი სისტემა, რომელსაც აქვს კანონზომიერებები.

ამ დაკვირვებებიდან მან ჩამოაყალიბა ის, რასაც დღეს დოუს თეორიას უწოდებენ — მთელი ტექნიკური ანალიზის საფუძველს.

რა გამოიგონა ჩარლზ დოუმ

მან გამოყო რამდენიმე საკვანძო პრინციპი:

1️⃣ ფასი ითვალისწინებს ყველაფერს.

ყველა სიახლე, მოლოდინი, შიში – ყველაფერი უკვე ჩადებულია ფასის მოძრაობაში.

2️⃣ ბაზარი მოძრაობს ტრენდებით.

დოუმ პირველმა გაყო ტრენდები: პირველადი (გლობალური ტრენდი), მეორადი (კორექცია, კორექციული ტრენდი) და მესამედი (მცირე ტრენდი).

3️⃣ ტრენდი გრძელდება, მანამ სანამ არ გამოჩნდება შემობრუნების მკაფიო ნიშნები.

4️⃣ ბაზარი შედგება ფაზებისგან:

▶️ აკუმულაცია;,

▶️ ზრდა;

▶️ განაწილება;

▶️ ვარდნა;

ინსტიტუციონალური ტრეიდინგი, ანუ რასაც დღევანდელი ტერმინოლოგიით ვუწოდებთ – „ჭკვიან ფული“, ბაზარზე შედის ტრენდის საწყის, ჩამოყალიბების, ანუ ადრეულ ეტაპზე, ხოლო ტრეიდერების მასა ბაზარზე შედის მოგვიანებით.

ეს იდეები საფუძვლად დაედო ტექნიკურ ანალიზში ყველაფერ იმას, რასაც დღესდღეობით ვიყენებთ.