Fibonacci Sequence/ფიბონაჩის მიმდევრობა/Последовательность Фибоначчи

Fibonacci Sequence/ფიბონაჩის მიმდევრობა/Последовательность Фибоначчи

Fibonacci Sequence/ფიბონაჩის მიმდევრობა/Последовательность Фибоначчи – ფორექსის ბაზრის ინსტრუმენტია, რომელსაც იყენებენ ტექნიკურ ანალიზში ფასური დონეების განსაზღვრისათვის.

ამ მეთოდის საფუძველს წარმოადგენს რიცხვების გარკვეული მიმდევრობა, რომელიც მიღებული იქნა იტალიელი მათემატიკოსის ლეონარდო ფიბონაჩის მიერ.

ფობონაჩის მიმდევრობა გვიჩვენებს მიმდევრობით განლაგებული რიცხვების ურთიერთდამოკიდებულებას და მას “ოქროს ურთიერთდამოკიდებულებას”, იგივე “ოქროს კვეთას” უწოდებენ.

ოქროს ურთიერთდამოკიდებულება ტოლია 0,618. თუ მას უფრო დაწვრილებით, მაგრამ მარტივად განვიხილავთ, მაშინ იგი წარმოადგენს რიცხვების რიგს, რომელთა შორისაც თითოეული შემდეგი რიცხვი წარმოადგენს წინა რიცხვების ჯამს, ხოლო შემდეგი ორი რიცხვის ურთიერთდამოკიდებულება მიისწრაფის ოქროს ურთიერთდამოკიდებულებისაკენ, რომელიც 0,618-ის ტოლია.

ფიბონაჩის მეთოდის გამოყენებით, საკმაოდ დიდი ალბათობით არის შესაძლებელი, ფორექსის ბაზარზე ფასის მოძრაობის პროგნოზირება.

პრაქტიკაში, ტრენდის მოძრაობა ციკლურია. აღმავალი ტრენდის დროს იგი ზემოთ მიემართება, ხოლო შემდეგ ქვემოთკენ მოძრაობს – უკუსვლას, კორექტირებას ახდენს და შემდეგ ისევ აგრძელებს სვლას თავდაპირველი მიმართულებით. იგივე ხდება დაღმავალი ტრენდის დროსაც, საპირისპირო ალგორითმით.

სწორედ, ფასის მოძრაობების განმეორებითობის გამოსავლენად და გამოსათვლელად გამოიყენება ფიბონაჩის მიმდევრობა.

ფიბონაჩის დონეების მეშვეობით შესაძლებელია ბაზარზე შესვლის წერტილების გამოვლენა. დონეების აგება შესაძლებელია, როგორც ტრადიციული ინსტრუმენტის გამოყენებით (ხელით), ასევე ავტომატურ რეჟიმში – ფიბონაჩის დონეების ინდიკატორის მეშვეობით.

გარდა ფიბონაჩის დონეებისა, არსებობს ფიბონაჩის ინსტრუმენტის სხვა ნაირსახეობებიც: ფიბონაჩის მარაო, ფიბონაჩის რკალები და ფიბონაჩის დროის სარტყელები (ზონები).

მიუხედავად იმისა, რომ, ჩემი აზრით, ფიბონაჩის ინსტრუმენტი წარმოადგენს ტექნიკური ანალიზის უმნიშვნელოვანეს ინსტრუმენტს, მისი ეფექტურად გამოყენებისათვის საჭიროა განსაკუთრებული დაკვირვებულობა და საკმაო გამოცდილება.

ფეისბუკი თვალი ადევნეთ საიტის ახალ სტატიებს ჩვენს ფეისბუკ გვერდზე
***
ფეისბუკი თვალი ადევნეთ საიტის ახალ სტატიებს ჩვენს Telegram არხზე

გამოიწერეთ საიტის ახალი მასალები, სტატიები, სავაჭრო სიგნალები, პროგნოზები, აქციები და ა.შ. თქვენს E-mail ფოსტაზე

კომენტარის დატოვება

თქვენი ელფოსტის მისამართი გამოქვეყნებული არ იყო.